Алтайдыҥ Чолмоны

Алтайдыҥ чолмоны — (орустап Звезда Алтая) Россияда Алтай Республиканыҥ алтай тилле кепке базылып турган республикан учурлу газеди. Бу газеттиҥ тӧзӧӧчилери: Алтай Республиканыҥ Башкарузы; Государственный јууны; Эл-Курултай; «Алтайдыҥ чолмоны» газеттиҥ редакциязы деп АУ.

«Алтайдыҥ чолмоны» газетте Туулу Алтайдыҥ ичиеде политикалык, экономикалык, социальный јӱрӱм ле культура керегинде бичимелдер чыгат. Онойдо ок тӱӱки, алтай тил ле литература, алтай чӱм-јаҥдар ла башшка башка јетирӱлер кепке базылат. Эмдиги ӧйдӧ «Алтайдыҥ чолмоны» неделеде эки катап (вторник ле пятницада), 8-16 полосалу, А3 форматла чыгат. Электрон бӱдӱмдӱ база таркадылат.

Тӱӱкизи

«Алтайдыҥ чолмоны» газеттиҥ тӱӱкизи 1922 јылдаҥ башталат. Газет озо ло баштап «Кызыл солун табыш» (орустап «Красные известия») деп адалган. 1923 јылдаҥ ала «Ойрот јери» (орустап Ойротский край) болгон. 1925 јылдаҥ ала «Кызыл Ойрот»/«Kyzyl Oirot» (орустап «Красная Ойротия») деп адалган болгон. 1948 јылдаҥ ала газеттиҥ ады «Алтайдыҥ чолмоны» (орустап «Звезда Алтая» ) болуп арткан. 1960-чы јылдарда неделеде 5 катап чыгып, тиражы 5 муҥнаҥ артык болуп кепке базылатан болгон.

«Алтайдыҥ чолмоны» газет 1972 јылда орус тилдӱ «Звезда Алтая» деп газетле кожо «Знак Почета» орденле кайралдаткан.

«Алтайдыҥ чолмоны» газетте Туулу Алтайдыҥ јарлу улустары кӧп иштеген, ол тоодо К. Ч. Тӧлӧсов.

Тайантылар

• Окылу сайт «Алтайдыҥ чолмоны»
• Архив газеты «Алтайдыҥ Чолмоны» за 1948—1950 годы на сайте Национальной библиотеки Республики Алтай
• Подшивки газеты «Кызыл Ойрот/Kьzьl Ojrot» за 1925—1934 годы на сайте Национальной библиотеки Республики Алтай.