Алтай Республиканыҥ мак кожоҥы
Алтай Республиканыҥ мак кожоҥы (орустап Гимн Республики Алтай) — Россия Федерацияныҥ субъектиниҥ символы болуп кӧп калыктарлу Алтай Республиканыҥ культуразын ла јаҥжыгуларын бирлик эдип корулаарыныҥ темдеги. «2001 јылда сыгын айдыҥ 11 кӱнинде «Алтай Республиканыҥ Мак кожоҥы керегинде» деп Конституциялык јасак јӧптӧлгӧн[1].
Сӧстӧри
тӱзедерАлтай Республиканыҥ мак кожоҥы (слушать)
| алтайлап[2] | орустап[2] |
|---|---|
| Köк теҥери, jылдыстар, Улу, јайым Кан-Алтай. Ӱч-Сӱмер, ыйык тайгалар Агару, јебрен Алтай. Ӱч толыкту Кан-Алтай Jыҥкыс эдер јаҥы јок. Ӱргӱлји кӱйген одыбыс Öчӱп калар учуры јок. Алтай — öcкöн кабайыс, Алтай — мöҥкÿ кудайыс. Элен чактарга корула, Россияла бис јажына. |
Ты солнцем создан, Алтай, Живи и процветай. Ты вовек непоколебим, И прекрасен наш Алтай. Алтай с Россией на века. Тебе и ей мы верны. И единою судьбой Навсегда озарены. Алтай — колыбель наша, Алтай — наш Бог, Храни нас века, С Россией мы всегда. |
Орустап, алтайлап ӱч тӧртјолдыктаҥ турган мак кожоҥ.
Тӱӱкизи
тӱзедер
Алтай Республиканыҥ мак кожоҥы 10 јылдыҥ туркунына бичилген[3].
Алтай Республиканыҥ тергеелик Мак кожоҥы керегинде Конституциялык Јасагы (орустап «О гимне Республики Алтай») 2001 јылда сыгын айдыҥ 11 кӱнинде јӧптӧлгӧн[1]. Эки тилле бичилген Мак кожоҥ — республиканыҥ калыктарыныҥ духовный бирлигин ле јебрен культураны улалтарын керелейт. Мак кожоҥдо улу Россияга, Алтайга сӱӱш, Јакшылыкка, Јарыкка кычыру.
2003 јылда нормативно-правовой акттарды јазаары јанынаҥ, тергеелик символдордыҥ статусын чикелеери, тузаланары јанынаҥ, Алтай Республиканыҥ Конституциязына ла федерал законодательствого келиштире Алтай Республиканыҥ (24.04.2003) № 11-6 темдектӱ «Алтай Республиканыҥ маанызы керегинде»[4], оноҥ (24.04.2003) № 11- 8 темдектӱ Алтай Республиканыҥ кебедели керегинде («О гербе Республики Алтай»)[5] јасактары јӧптӧлгӧн. Ого коштой Алтай Республиканыҥ Эл Курултайыныҥ Јӧби (11.03.1997) аайынча «Алтай Республиканыҥ Мак кожоҥныҥ сӧстӧри, ордендердиҥ ле тӧжине тагынатан темдектердиҥ эскизтери аайынча конкурс ӧткӱрери керегинде» деп комиссия тӧзӧлгӧн (комиссияныҥ башкараачызы Д. И. Табаев), онойдо ок (8.05.1998) «Алтай Республиканыҥ Мак кожоҥын талдаар конкурс ӧткӱрери керегинде» деп јӧп чыккан (комиссияныҥ башкараачызы И. И. Белеков)[3].
Мак кожоҥныҥ сӧстӧрин А. Адаров, Н. Шодоев, П.Самык, В. Куницын, Н.Баскаков, Эзендей Тоюшев, Виктор Кривцов бичигендер, кӱӱлерин дезе А.Тозыяков ло А.Трифонов чӱмдеген болгон. Јирменеҥ артык ӱлгерлик тексттер кӧрӱлген. Эл Курултайыныҥ 14-чи сессиязында республиканыҥ депутаттары Мак кожоҥныҥ сӧстӧриниҥ алты вариантын угуп, комиссияныҥ ижин улалтар деп јӧпкӧ келген. Оноҥ ары комиссияныҥ башкараачызы И. И. Белеков Москвадагы композитор В. Г. Пешнякла (Барнаул калада чыккан кижи), ӱлгерчи В. О. Адаровло ишти улалтар деп шӱӱлтеге келген. Јаҥы Мак кожоҥды профессионал хор ло Карагыс Ялбакова (Россияныҥ нерелӱ артисти) кожоҥдогон. В. Сорокин бу мак кожоҥды орус тилге кӧчӱрген.
Литература
тӱзедер- Государственные символы Республики Алтай (флаг, герб, гимн). — Горно-Алтайск, 2002. — 19 с.
- Государственная символика Республики Алтай. История создания в архивных документах : сборник архивных документов / Комитет по делам архивов РА ; составитель А. Б. Даутова. — Барнаул, 2014. — 160 с.
- Екеева, Н. «Ты солнцем создан, Алтай!» / Н. Екеева // Алтай — сокровище культуры. — Москва, 2004. — С. 14-15.
Ајарулар
тӱзедер- ↑ 1,0 1,1 Конституционный Закон Республики Алтай от 11 сентября 2001 года N 24-8 «О Государственном гимне Республики Алтай»
- ↑ 2,0 2,1 «Символика Республики Алтай» официальный сайт правительства РА
- ↑ 3,0 3,1 Государственная символика Республики Алтай. История создания в архивных документах. Сборник архивных документов.- Барнаул, 2014. — 160 с.
- ↑ Конституционный закон Республики Алтай от 24.04.2003 № 11−6 «О флаге Республики Алтай»
- ↑ Конституционный закон Республики Алтай от 24 апреля 2003 года N 11-9 «О гербе Республики Алтай»
- Официальный сайт Правительства Республики Алтай
- Конституция Республики Алтай (Основной Закон) (принята 7 июня 1997 г.)
- Государственная символика Республики Алтай. История создания в архивных документах. Сборник архивных документов.- Барнаул, 2014. — 160 с.
- Государственное Собрание Эл Курултай Республики Алтай (Алтай Республиканыҥ Эл Курултайы) окылу сайт (орус.)
Тайантылар
тӱзедерӰлекер:Гимны субъектов Российской Федерации Ӱлекер:Символика Республики Алтай