Ельдепова, Елена Гавриловна
Ельдепова Елена (Карлагаш) Гавриловна (1961) — поэт, прозаик, Россияныҥ бичиичилер Биригӱзиниҥ турчызы (2001), Л. В. Кокышевтиҥ адыла адалган Литературалык премияныҥ лауреады (1994).
Биографиязы тӱзедер
Карлагаш Ельдепова 1961 јылда ӱлӱрген айдыҥ 1-кы кӱнинде Улаган аймактыҥ Балыкчы јуртында чыккан. 1979 јылда школды божодоло, ГАГПИ-ниҥ тӱӱки-филологиялык факультедине кирген, је јӱрӱмдик айалгалардаҥ улам ӱредӱзин токтодып салган. Јӱк 1990 јылда ӱредӱзин заочно улалтып, 1995 јылда божоткон.
Иштеген јери:
- 1985—1987 jj. Горно-Алтайската М. Калининниҥ адыла адалган областной библиотека
- 1991—1995 jj. Улаган аймакта Кӧӧ деп јурттыҥ школында качы.
- 1995—1997 jj. Улагандагы балдардыҥ јайаандык тӧзӧмӧлинде краеведческий отделде методист.
- 1997—2010 jj. Улаган аймактыҥ культура отделыныҥ методистти, јондык мероприятиелердиҥ режиссеры.
- 2010—2017 jj. Улагандагы «Ак-Чолушпа» деп ар-бӱткендик паркта.
Тургуза ӧйдӧ Республиканыҥ бичиичилер Биригӱзиниҥ Улагандагы бӧлӱгин башкарат. Улаган јуртта јадып јат.
Јайаандык ижи тӱзедер
Карлагаш Ельдепова ӱлгерлерди школ ӧйинеҥ ала бичип баштаган. Ӱч ӱлгерлик јуунтылардыҥ авторы: «Капчалдыҥ кӱӱлти (Песни скал)» (1994), «Эне чӧлим — эки ыйыгым (Чолчи — священная земля предков» (2001), «Кӱӱнимниҥ кӱӱни (Солнце моей души)» (2012).
Баштапкы јуунтызына Эзендей Тоюшев поэтессаныҥ айландыра јӱрӱмге романтикалык кӧрӱмдӱ, ӱлгерлери јарык одычактардый деп темдектейт.
1994 j. «Јоголбос истер» деп повези учун Л.В. Кокышевтиҥ адыла адалган республикан литературалык сыйдыҥ лауреады деп кӱндӱлӱ атла адалган. «Керечи» деп куучыны «Кебеделдӱ келин кеп» (2011) деп прозалык јуунтыда чыккан. 2018 јылда «Современная литература народов России: Проза» деп антологияда оныҥ «Керек јок бала (Ненужный ребенок)» деп куучыны чыккан.
К. Г. Ельдепова 2001 јылдаҥ бери Россияныҥ бичиичилер Биригӱзиниҥ турчызы.
Кайралдары тӱзедер
Тизим тӱзедер
- Капчалдыҥ кӱӱлти: ӱлгерлер. — Горно-Алтайск: Ак-Чечек, 1994. — 61 с.
- Эне Чӧлчим — эки ыйыгым: ӱлгерлик бичик. — Горно-Алтайск, 2002. — 136 с.
- Кӱӱнимниҥ кӱни: ӱлгерлер. — Улалу: Горно-Алт. тип., 2012. — 111 с.
- Л. Н. Баина. Кебеделдӱ келин кеп. (Алтайская женская проза). — Горно-Алтайск: АУ РА Литературно-издательский Дом «Алтын-Туу», 2011. — С. 180.
- М. Лобанова. Современная литература народов России: Проза / Антология. — Москва: «Б. С. Г. — ПРЕСС», 2018. — С. 65-70
Литература тӱзедер
- Т. К. Шутина. Рифма в лирике К. Ельдеповой // Чудо рождения мысли. — 2007. — № 1. — С. 5.
- Н. Бельчекова. Ак-Чолушпаныҥ тӱӱкизи јуралган // Алтайдыҥ чолмоны. — 2011. — 15 дек.
- Т. Акулова. Чӱмдемелдери канат берген Карлагаш // Алтайдыҥ чолмоны. — 2011. — 16 дек.
- С. Сартакова. Јоголбос истерди кычырып // Улаганныҥ солундары. — 2011. — 29 дек.
- Л. Н. Баина. Кебеделдӱ келин кеп. (Алтайская женская проза). — Горно-Алтайск: АУ РА Литературно-издательский Дом «Алтын-Туу», 2011. — С. 180. ISBN 978-5-903447-06-0.
- Т. К. Шутина. Культура и человек. Культура и цивилизация // Алтай в цивилизованном пространстве Евразии: междунар. науч.-творч. конф.. — Горно-Алтайск, 2013. — С. 114—116.
- Писатели Горного Алтая: библиографичесский словарь / сост. С. В. Моможокова, Э. П. Чинина, М. М. Алушкина, А. В. Бобокова; БУ РА «Национальная библиотека Республики Алтай имени М. В. Чевалкова». — Горно-Алтайск: БУ РА «Национальная библиотека Республики Алтай имени М. В. Чевалкова», 2019. — С. 24-25.