Санина, Наталья Николаевна
Санина Наталья Николаевна (28.01.1961) — ӱредӱчи[1](алтай тил ле литература), прозаик, документал-мемуарный јуунтылардыҥ тургузаачызы, Россияныҥ бичиичилер Биригӱзиниҥ турчызы[2] (2013), Россияныҥ журналисттер Биригӱзиниҥ турчызы (2011). Сӧӧги — Саал.
| Санина, Наталья Николаевна | |
|---|---|
| Чыккан ӧйи | чаган айдыҥ 28 кӱни 1961 (63 јаш) |
| Чыккан јери | Улаган аймак |
| Гражданство |
 СССР Россия |
| Иш-тоштыҥ бӱдӱми | ӱредӱчи, прозаик, документал-мемуарный јуунтылардыҥ тургузаачызы, Россияныҥ бичиичилер Биригӱзиниҥ турчызы |
Биографиязы
тӱзедерСанина Наталья Николаевна 1961 јылда чаган айдыҥ 28-чи кӱнинде Улаган аймакта Балыктујул јуртта чыккан. 1977 јылда Балыктујулдыҥ орто школын божодып, Горно-Алтайскта ӱредӱчилер белетеер институтта ӱренген. 1982—1984 jj. Балыктујулдыҥ, 1984—1995 jj. Кара-Кујурдыҥ школдорында орус тил ле литератураныҥ, алтай тил ле литератураныҥ ӱредӱчизи болуп иштеген. 1995 јылдаҥ бери Улаганныҥ школында алтай тил ле литератураныҥ ӱредӱчизи болуп иштейт. 2011 јылдаҥ бери Россияныҥ журналисттериниҥ Биригӱзиниҥ турчызы. 2013 јылдаҥ тулаан айынаҥ бери Россияныҥ бичиичилериниҥ Биригӱзиниҥ турчызы.
Чӱмделгези
тӱзедерӰлгерлери, поэма ла публицистиказы ээчий јуунтыларга кирген: «Эрјинелӱ јер» (2013), «Ӱренчик Чибиниҥ туујызы» (2017), «Эрјине ӧйимниҥ эзини» (2017).
Наталья Николаевна бир канча бичиктердиҥ авторы:
«Алтай тилле текстердиҥ јуунтызы» (1993 j.), «Калбакла јууза, кап болор…» (1996 j.), «Алтай тил, 6 кл» (Н. Д. Алмадаковала кожо) (2006 j.), «Улдалар јуртаган Улаган» (Д. Конушевала кожо) (2009 j.), «Тайгалар кӱзӱрти» (Л. В. Санинала кожо) (2010 j.), «Улаганныҥ укаалу сӧзи» (Л. В. Санинала кожо) (2010 j.), «И. В. Ортонулов јуруктар јайаган салым» (2011 j.), «Улу кайчыны ундыбай» (2011 j.)
Кайралдары
тӱзедерЛитература
тӱзедер- Ядагаев В. А. Эрјинелӱ јер: Улаган аймактыҥ бичиичилериниҥ ле поэттердиҥ јуунтызы (Сборник рассказов и стихов авторов Улаганского района). — Горно-Алтайск, 2013. — С. 164—171.
- Писатели Горного Алтая: библиографический словарь. — Горно-Алтайск, 2019. — С. 61.
- Толоев В. М. Ӱрен аштый ӱредӱ сӧзи: Н. Санинаныҥ толо јажына учурлай «Артыштый тынду, тӧрӧл тилим, Алтындый баалу алтай јоным» конференцияныҥ материалдары. — Горно-Алтайск, 2017. — 144 с.