Чагат-Строев, Павел Александрович
Чагат-Строев, Павел Александрович (псевдоним, чын ӧбӧкӧзи — Трепихин) (кочкор айдыҥ 9 кӱни 1887 — тулаан айдыҥ 14 кӱни 1938) — бичиичи ле поэт, алтай совет литератураныҥ тӧзӧӧчилериниҥ бирӱзи болот[1]. Сӧӧги — чагат.
| Павел Александрович Чагат-Строев | |
|---|---|
| Чыккан ӧйи | кочкор айдыҥ 9 кӱни 1887 |
| Божогон ӧйи | 1938 |
| Ороон | |
| Иш-тоштыҥ бӱдӱми | бичиичи, ӱлгерчи |
.svg){kind=small}
Биографиязы
тӱзедерПавел Александрович Чагат-Строев кочкор айдыҥ 9-чы кӱнинде 1887 јылда Мыйтуда јокту крестьян биледе чыккан. 12 јаштуда ӧскӱс болуп арткан. Бир јыл Бийсктагы церковно-приходской школдо ӱренген. Ойрот автоном областьтаҥ ВЦИК-тыҥ турчызы болгон. 1938 јылда репрессияга актуга јабарлаткан. Кийнинде ак чектеп салган.
Јайаандыгы
тӱзедерЧагат-Строевтиҥ ӱлгерлери ле поэмалары «Кызыл Ойрот» ло «Ойроттыҥ комсомолы» деп газеттерде чыгатан. Ол баштапкы алтай таныктӧстӧрдиҥ авторы, газетте эрчимдӱ иштеген. 1925 јылда оныҥ В. И. Ленин керегинде «Ойгор-Баатыр» деп поэмазы кепке базылган. Бу алтай литературада баштапкы поэма ла, анайда ок, таҥынаҥ кепке базылган алтай бичик болуп јат. Чагат-Строевтиҥ каламына Алтайдагы революционный кыймыгулар керегинде «Кара-Корумдеп» поэма ла оноҥ до ӧскӧ чӱмдемелдер кирет.