Кергилов, Карыш Улданович

Кергилов Карыш Улданович (11.01.1961) — бичиичи, кайчы. Россияныҥ бичиичилер Биригӱзиниҥ турчызы.

Карыш Улданович Кергилов
Чыккан ӧйи	чаган айдыҥ 11 кӱни 1961(0001-11-1961) (63 јаш)
Чыккан јери	Шашыкман, Оҥдой аймак, Горно-Алтайская автономная область[d], Алтай кырай, Российский Советский Федеративный Социалистический Республика[d], СССР[d]
Ороон	СССР[d]  Россия
Иш-тоштыҥ бӱдӱми	художник, певец, ӱлгерчи

Биографиязы

Карыш Кергилов 1961 јылда чаган айдыҥ 11-чи кӱнинде Оҥдой аймактыҥ Шашыкман јуртында чыккан. Орто ӱредӱлӱ школды божодоло, трактористке ӱренип, эки јылдыҥ туркунына тракторист, комбайнер, койчы болуп иштеген.

• 1979—1981 jj. черӱде турган
• 1981—1985 jj. Новоалтайсктагы јуранарыныҥ училищезинде ӱренген. Оныҥ кийнинде Шашыкманныҥ школында јуранаарыныҥ ӱредӱчизи ле самбо кӱрешле тренер болуп иштеген.
• 1999 j. Горно-Алтайсктагы Государственный университеттиҥ филология факультедин божоткон.
• 1991 јылдаҥ ала Чамалда јуртайт. Аймакта балдардыҥ јайаандык Байзыҥыныҥ директоры болгон. Эмди таҥынаҥ аргачы болуп, топшуурлар ла агаш кееркедимдер јазайт. К. Кергилов анайда ок јарлу кайчы. Гиннестиҥ бичигине кирген кайла рекордтыҥ туружаачызы.

Јайаандык ижи

Ӱлгерлерди школдо ӱренип турарда бичип баштаган. Олор «Алтайдыҥ чолмоны» газетте, «Эл-Алтай» журналда, 1987 јылда «Амыр јурта, агару јер» деп ӧмӧлик јуунтыда, 1990 јылда А. Чынатла орток «Ӱлгерлер» деп јуунтыда јарлалган.

К. У. Кергилов 1999 јылдаҥ бери Россияныҥ бичиичилер бирлигиниҥ члени.